Бүген “Изге Болгар җыены” барышында Нәзарәт Пленумы үтте. Көн тәртибендә Татарстан мөфтияте Президиумы, Голәмәләр һәм Казыйлар шуралары составларын раслау бурычы торды. Хәзрәтләр мөфтиятнең тәкъдимнәрен хуплады.
Моннан тыш, Камил хәзрәт мөхтәсибләргә “Казан – 2026нчы елда ислам дөньясының мәдәни башкаласы” статусы кысаларында чаралар үткәрү буенча тәкъдимнәр формалаштыру йөкләмәсе белән мөрәҗәгать итте.
Пленум кысаларында “Батыр” батальоны, 15нче махсус мотоукчылар бригадасы һәм 90нчы танк дивизиясе имамы Мөхәммәд хәзрәт Хәйруллаев Мөфти Камил хәзрәт Сәмигуллинга “Батыр” батальоны, 15нче махсус мотоукчылар бригадасы һәм 90нчы танк дивизиясе командованиесе исеменнән Рәхмәт хатлары тапшырды. Камил хәзрәт сугышчыларга сәләмен җиткерде, гуманитар ярдәм сыйфатында ноутбук бирде.
