Бүген Казанда Татарстан Рәисе Рөстәм Миңнеханов Бәхрәйн Корольлегенең Ислам эшләре буенча Югары Шурасы Рәисе Шәех Абдулрахмән бин Мөхәммәд бин Рәшед әл Хәлифә белән очрашты. Очрашуда шулай ук Татарстан Мөфтие Камил хәзрәт Сәмигуллин катнашты.
Рөстәм Миңнеханов Россия Федерациясенең Бәһрәйн белән хезмәттәшлеккә зур әһәмият бирүен, Татарстан Республикасының кызыксыну белдерүен билгеләп үтте.
Татарстан Рәисе Казанда «Россия – Ислам дөньясы: KazanForum» халыкара икътисади форумы кысаларында ислам финанс институтлары өчен бухгалтерлык исәбе һәм аудит буенча оешма (AAOIFI) белән берлектә конференция уздырылуын искәртте.
Рөстәм Миңнеханов "Россия – Ислам дөньясы" Стратегик караш төркеме буенча зур эш алып барылуын әйтте һәм Шәех Абдулрахмән бин Мөхәммәд бин Рәшед әл Хәлифәгә төркемдә катнашуы өчен рәхмәт белдерде. Ул мондый абруйлы экспертларның анда катнашуын мөһим карарлар кабул итүгә ярдәм итүен белдерде.
ТР Рәисе матбугат хезмәте материаллары буенча.
