Татарстан Мөфтие Камил хәзрәт Сәмигуллин Карачай-Черкесския Республикасына эшлекле сәфәр кыла. Камил хәзрәт һәм аның урынбасары Равил хәзрәт Зөфәров Черкесскида «Гомумроссия тәңгәллеген формалаштыру һәм Россиянең традицион рухи-әхлакый кыйммәтләрен трансляцияләү» дигән динара яшьләр форумында катнашты.
Татарстан Мөфтие форумда Россия җәмгыятендә динара һәм милләтара тынычлыкны һәм татулыкны саклауның мөһимлеген ассызыклады.
Форумны КЧР мөфтияте Ислам мәдәнияте, фән һәм мәгарифенә теләктәшлек фонды ярдәмендә оештырды.
Бу мөһим вакыйга Россиянең төрле төбәкләреннән динара диалогны ныгытырга һәм яшьләр арасында патриотик кыйммәтләрне үстерергә омтылучы дәүләт хакимияте, җәмәгатьчелек вәкилләрен һәм дин әһелләрен җыйды. Алар бердәм Россия тәңгәллеген формалаштыруның мөһим мәсьәләләре һәм деструктив идеологияләргә каршы торуда традицион кыйммәтләрнең роле турында фикер алышты.
