Кичә, Шәгъбан аеның 13нче көнендә (5нче мартта), “Мөхәммәдия” мәдрәсәсендә шәкертләр арасында волейбол ярышы узды. Әлеге спорт чарасы уку йортының 140 еллыгына багышлап оештырылды. Мәдрәсәдә укучы егетләр – көндезге бүлектән өч команда, кичке бүлектән бер команда көн дәвамында көч сынашты. Шәкертләр уенда үзләренең зур әзерлек, тырышлык, җитезлекләрен күрсәтеп катнаштылар. Уен нәтиҗәләре буенча, көндезге бүлектә укучы III курс шәкертләре командасы җиңүче булды һәм аларга “Мөхәммәдия” мәдрәсәсенең 140 еллыгы Кубогы тапшырылды.
