Рамазан аеның 26-нчы көнендә (19-нчы майда) Кукмара мәдрәсәсендә быелгы чыгарылыш шәкертләренең бер өлеше Диплом эшләрен якладылар. Санитар-эпидемиологик вәзгыятьне исәпкә алып, чара онлайн режимда — видеоэлемтә аша оештырылды. Мәдрәсә мөгаллимнәре белән бергә шәкертләрнең чыгышларын Татарстан мөселманнары Диния Нәзарәтенең уку-укыту бүлеге мөдире Айдар хәзрәт Карибуллин да бәяләде. Мөфтият вәкиле мәдрәсәне тәмамлаучыларның фәнни эшчәнлек нәтиҗәләренә югары бәя бирде.
