Бүген Татарстан Мөфтие Камил хәзрәт Сәмигуллин Татарстан Рәисе Рөстәм Миңнехановның Оман дәүләтенең Дин эшләре һәм вакыфлар министры шәех Мөхәммәд бен Сәид Әл Мамари белән очрашуында катнашты.
Министр үз ведомствосының халыкара дәрәҗәдә башкарган эшләре турында сөйләде.
Рәис билгеләп үткәнчә, Татарстан Россиянең ислам дөньясы белән хезмәттәшлек үзәге булып тора, ә элемтәләрне ныгыту өчен багланышлар урнаштыру, эшлекле даирәләр белән очрашулар оештыру мөһим. Казанда ел саен уздырыла торган “Россия – Ислам дөньясы: Kazanforum” халыкара икътисадый форумы танышу өчен нәтиҗәле мәйданчык булып тора.
Очрашуда шулай ук Рәис Ярдәмчесе Марат Гатин һәм Болгар ислам академиясе ректоры Фәрхәт Хөснетдинов һ.б. катнашты.
ТР Рәисе матбугат хезмәте материаллары файдаланылды.
