Бүген «Россия – ислам дөньясы: Kazanforum 2023» халыкара икътисади форумында Татарстан мөфтие Камил хәзрәт Сәмигуллин Габон Республикасы (Үзәк Африка) Тышкы эшләр министры урынбасары Иоланда Кристиан Ньонда белән очрашты. Шулай ук эшлекле сөйләшүдә Габон Республикасының бөек имамы Исмаэль Осени Осса, Габон Республикасының Россия Федерациясендәге гадәттән тыш һәм тулы вәкаләтле илчесе Жоанна Роз Мамьака һәм чит ил делегациясенең башка вәкилләре катнашты. Әңгәмә барышында ТР мөселманнары Диния нәзарәтенең хәләл сертификацияләү, ислам финанслары, нәшрият эше өлкәсендәге тәҗрибәсе турында фикер алыштылар.
Камил хәзрәтнең шундый ук очрашулары шулай ук Катар, Берләшкән гарәп әмирлекләре, Әзербайҗан, Иран, Төркмәнстан делегацияләре белән узды.
