Рәҗәб аеның 10-нчы көнендә (5-нче мартта) “Туфан” мәчетендә Чаллы мөхтәсибәтенең Аксакаллар шурасы җыелышы булып үтте. Ул сәгать унда дога кылып башланды һәм Чаллы имам-мөхтәсибе Әлфәс хәзрәт Гайфуллинның аксакаллар эшчәнлегенең мөһимлеген ассызыклавы белән дәвам итте. Үзенең чыгышында ул мәчет картларын активлаштырырга һәм мәхәлләләрдә күркәм тәртип урнаштыру буенча күмәк эш алып барырга кирәклеген әйтеп үтте. Соңрак мөхтәсибәтнең Аксакаллар шурасы рәисе Равил хәзрәт Нуруллин җыелган халыкны узган елда эшләнгән эшләре белән таныштырып үтте. Җыелыш азагында 2020-нче елга эш планы кабул ителде һәм аларны башкарып чыгу буенча фикер алышынды.
