Бүген Буада шәһәр җәмәгать транспортында йөрү бушлай. Милләтенә һәм диненә карамастан барлык буалыларга мондый бүләкне район мөхтәсибәте ясады. Хәйрия акциясе Рамазан-шәриф ае тәмамлану уңаеннан оештырылды. Маршрутка чыккан өч автобуста да көне буе бер генә пассажирдан да акча алмадылар. Соңгы елларда Буада Ураза бәйрәме алдыннан мондый акция үткәрү традициягә керде.
