Кичә Яр Чаллы мөхтәсибәтендә эшләп килүче “Хәят” мөслимәләр җәмгыяте Өлкәннәр көне уңаеннан шәһәребез мәчетләренә йөрүче өлкән яшьтәге апалар өчен мәҗлес оештырды. Остазыбыз Варакия апа аларга вәгазь сөйләде. Ул һәр төр тәрбияне гаиләдән башларга кирәклегенә басым ясады. Мөгаллимә апа сәламәтлекне ныгыту буенча мастер-класс үткәрде. Мөслимәләр мөхтәсибәт хезмәткәре Фауиса ханымнан хаҗ буенча үзләрен борчыган сорауларга җавап алды. Бәйрәм чәй мәҗлесе белән тәмамланды.
