Бүген, җөмәдәл-ахыр аеның аеның 8-нче көнендә (21-нче гыйнварда), Нәзарәттә Аксакаллар шурасы утырышы үтте. Һава шартларын исәпкә алып һәм өлкәннәрнең сәламәтлеген кайгыртып, җыелыш беренче тапкыр Zoom платформасы аша уздырылды. Чара гадәттәгечә Яшел үзән районы имам-мөхтәсибе Габделхәмит хәзрәт Зиннәтуллин башкаруында Коръән уку белән башланып китте. Аннары Татарстан мөфтиенең беренче урынбасары Рөстәм хәзрәт Вәлиуллин ил-көнгә иминлек, бәрәкәт сорап дога кылды. Көн тәртибе буенча Аксакаллар шурасы рәисе Айрат хәзрәт Әюпов барлык катнашучыларны Аксакаллар шурасының 2020 ел нәтиҗәләре белән таныштырды, төп юнәлешләрнең берсе – туган телне саклау һәм үстерүне быел да дәвам итү буенча тәкъдимнәре белән бүлеште. Алга таба видеоконференция форматында Мөслим, Арча, Алабуга, Буа районы аксакалларының эш тәҗрибәсе тыңланды. Аерым алганда, сүз татар галимнәренең хезмәтләрен өйрәнү, истәлекле урыннар, каберлекләр, чишмәләрне төзекләндерү, сәүдә үзәкләрендә, хастаханәләрдә намаз уку бүлмәләрен булдыру, республикада туристик юнәлешләр оештыру өстендә эшләү хакында барды. Тәкъдимнәр буларак, аксакаллар “Мөхәммәдия” мәдрәсәсенең статусын күтәрү, дини хезмәтләрне, аерым алганда Шәйхелислам Хәмиди, Шаһи Әхмәт, Нурулла Гариф, Марсель Әхмәтҗанов һ.б. галимнәрнең хезмәтләрен бастыру кирәклеге әйтелде. Чара дога кылу белән тәмамланды.
Аксакаллар шурасының чираттагы утырышы үтте
21 гыйнвар 2021 ел 13:22
Соңгы яңалыклар
Татарстан Рәисе Мөфти Камил хәзрәт Сәмигуллинга РФ Президентының Рәхмәтен тапшырды
29 август 2023 ел 14:21
Мөфти Бөтендөнья ислам оешмасының мәгариф, фән һәм мәдәният мәсьәләләре буенча генераль директоры белән очрашты
29 август 2023 ел 13:58
Мөфти Мәскәүдә конференциядә: “Россия халыкларының милли-дини традицияләрен ныгытырга кирәк”
28 август 2023 ел 14:09
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы








